|
|
|
|
Mahaleo tao amin’ny Olympia.
Ho raiketin’ny
tantaran’ny kolontsaina malagasy ny andron’ny 2 sy 3 jiona
2007. Tamin’ireo fotoana ireo tokoa mantsy no mba nisy
tarika nihira tamin’ny teny Malagasy voalohany tao
amin’ilay trano fampisehoana, manan-tantara Olympia teto
Parisy.
|
|
|
Lova Ramisamanana de Kanto Production.
|
Ny tarika fanta-daza Mahaleo no niara-nankalaza ny faha-35
taonany tamin’ireo mpijery an’arivony maro. Fety tsy
nanam-paharoa, izay nahitana taratra fa tsy mena mitahy
amin’ny kolontsaina hafa ny antsika Malagasy, niaiky
volana ireo vahiny tonga nanatrika ity fampisehoana ity.
Tandrovy ny harentsainareo hoy ny sasany fa tokana
aman-tany.
Ireo Malagasy maro manerana ny Eropa, tonga tao amin’ny
Olympia, kosa moa dia faly nitotorebika niaraka tamin’I
Dama, Dadah, Bekoto, Fafa, Nono, Charle ary Raoul …
Ho raiketin’ny tantara ihany koa: ny zava-bitan’ny
orin’asa “KANTO PRODUCTIONS” tarihin’andriamatoa Lova
Ramisamanana mivady, izay hisaoranay eto manokana nanome
ny fahatokisany anay. Voalohany tokoa mantsy, eo amin’ny
tantaran’ny fampisehoana goavana toy itony no mba nisy
mpikarakara lanonana nanome andraikitra lehibe ho an’ny
tranokala Malagasy (sites internet malgache).
Ho raiketin’ny tantara koa ny tranokala Sobika.com,
Madamaki.com ary Croissance.com izay anisany nandray
anjara lehibe tamin’ny fampitana ny manodidina ity
fampisehoan’ny tarika Mahaleo tao amin’ny Olympia ity.
Maniry koa izahay ny mba hisian’ny fiaraha-miasan’ny samy
Malagasy toy izao, fa ny mita be anie ka tsy mba lanin’ny
mamba, ary izay mitambatra vato fa izay misaraka fasika.
Hoy ny fahendren’ny razantsika.
[
Les reportages en images ]
[
Les autres titres ]
 |
Reportage photos |
|
|
|
|
|
|
|
Liens utiles |
|
|
Liens sponsorisés |
|
|
|
|
|
|
|
|
