MAHALEO
Tsy vita hatramin’ny farany ilay rindrankira
lehibe niarahana tamin’ny tarika Mahaleo ny
asabotsy farany teo. Tamin’ny efatra ora sy fito
ambin’ny roampolo minitra maraina dia nanome baiko
ny polisy ny hanatsaharana ilay fety gasy. Tankiny
ny rehetra saingy tsy nisy azo natao fa dia rava
ny tsena.
Nizara efatra ny lanonana ka teo amin’ny fizarana
farany no tena nangotraka, rehefa mangotraka moa
dia mazava ho azy fa mamaky takotra, toy izany no
zava-niseho tao amin'ny trano fanaovam-petin’i
Firat Dugun Salonu. Nanakoako nanerana ny tanànan’
i Corbeils Essonne ny feon’ireo malagasy roanjato
sy arivo, teo ho eo, tonga niara-nihira tamin’ny
tarika mahaleo, tarika tsy lefy laza ary tsy mety
adino na dia efa dimy ambin’ny telopolo taona
nisiana aza.
Kianjan’i Bercy na ny Stade de France no mendrika
ny tarika Mahaleo ry Nenibe fa raha itony Firat
Dugun Salonu ao Corbeils Essonne dia tsy ampy ho
tsofiny fa manimba sofim-bazaha matory fotsiny.
Toa an’i Sobika.com sy madagate.com dia
nantsoin’ny « Media Consulting » sy « Madagac'Art
Développement » i madamaki.com hiara-niasa
tamin’izy ireo. Noho izany dia indro atolotray
anareo ny fitantarana an-tsary tamin’io fotoana
io. Nono madamaki.com
Nangotraka ny
lanonana tao amin'ny ny trano
fanaovam-petin’i Firat Dugun Salonu.
Tarika tsy lefy laza: ny tarika Mahaleo.
Tarika tsy tsy mety adino na dia efa
dimy ambin’ny telopolo taona nisiana aza.
Nizara efatra ny lanonana ka teo amin’ny
fizarana farany no tena nangotraka.
